د غور-هرات سړک ۲۰ سلنه کاري پرمختګ لري
د غور-هرات سړک ۲۰ سلنه کاري پرمختګ لري
دا د چغچران – ګردندیوال پروژې یوه برخه ده، چې د غور ـ هرات له سړک څخه پیل تر باژګونه کلي پورې غځېدلی او د یو ۱۰۰ متره پُل او په بیلابیلو اندازو کې ۴۶ پُلګوټي په شمول ۱۱ کیلومتره اوږدوالی او ۹ متره پلنوالی لري.
دا پروژه د افغانستان حکومت لخوا تمویلیږي او د رغونې تړون یې له یوه خصوصي ودانیز شرکت سره د څه باندې ۸۰۹ میلیونه افغانیو په ارزښت شوی چې تر دې مهاله یې د جوړولو کار ۲۰ سلنه پرمختګ لري او د سفالټ چارې یې د واورې او یخ له کبله درېدلي دي.
یاده پروژه د ختیځ ـ لودیځ دهلیز یوه برخه ده چې د کار له بشپړیدو سره به یې د لرو پرتو سیمو په نږدېوالي کې اغیزمن رول ولري او همدارنګه به له یاد سړک څخه د سبزک کوتل، اخته خانې، حوض مرغان او باژګونه کلیو اوسیدوونکي په مخامخ ډول ګټه واخلي.
د ټولګټو وزارت - کابل
لیندۍ ۲۴، ۱۳۹۹
