په دایکنډي کې د څه باندې ۶ کیلومتر سړک رغنیز کار دوام لري
د دایکنډي ولایت مرکز نیلي ښار اړوند له پای نیلي کلي څخه تر غدار کلي پورې د ۶.۴۳ کیلومتره غځیدلي سړک د جوړولو کار دوام لري
دا پروژه د ټولګټو وزارت له بودیجې څخه د څه باندې ۲۶ میلیونه افغانیو په ارزښت له دوو محلي شوراګانو سره تړون شوي چې اوس مهال یې رغنیز کار له ۱۸ سلنه کاري پرمختګ سره دوام لري
یاد سړک چې د دایکنډي ـ بامیانو له عمومي سړک څخه بیل شوی، تر کهنه دریای لزیر کلي پورې تر کار لاندې ده او د اروزګان ولایت د ګیزاب ولسوالۍ په لور په ابتدایي شکل سره غځیدلی، د دې پروژې د کار له بشپړیدو سره به د سړک اړوند کلیو ترانسپورتي ستونزي هواري شي
ټولګټو وزارت ـ کابل
