خواجه غار – دشت کلا ولسوالۍ سړک چارې ګړندۍ روانې دي
دا سړک په تخار ولایت کې د خواجه غار ولسوالۍ څخه تر دشت کلا ولسوالۍ پورې غځیږي چې ۱۷ کیلو متره اوږدوالی او ۱۱ متره پلنوالی لري.
یاده پروژه د ماورای کوکچه سړک لومړۍ برخه ده چې تر دې مهاله یې رغنیزې چارې له ۲۵ سلنه پرمختګ سره ګړندۍ روانې دي.
د ماورای کوکچه سړک په شپږو پروژو وېشل شوی چې له ډلې څخه یې پر څلورو هاغو کار روان دی او دا سړک به تخار ولایت د آی خانم بندر له لارې له تاجکستان سره ونښلوي.
د ماورای کوکچه سړک نورې برخې په خواجه غار، دشت کلا، خواجه بهاوالدین، ینګي کلا او چاه آب ولسوالیو کې موقعیت لري چې په جوړېدو سره به یې د سیمې د خلکو ګڼې ستونزې هوارې او یوه بله ټرانزیټی لار به فعاله شي.
