د ټولګټو وزارت سرپرست وزیر کاپیسا ولایت ته سفر وکړ
د ټولګټو وزارت سرپرست وزیر محترم الحاج ملا محمد عیسی ثاني کاپیسا ولایت ته د سړکونو د ارزونې په موخه په داسې حال کې سفر وکړ، چې دیاد ولایت والي محترم قاری احسان الله بریال، دیاد ولایت د تولګتو رئیس او یو شمېر تخنیکې انجنیرانو یې ملتیا کوله.
د تولګټو وزارت سرپرست وزیر دیاد سفر په ترڅ کې د کاپیسا ولایت د تګاب، نجراب او اله سای ولسوالیو د هغو سړکونو څخه له نږدې لیدنه وکړه، چې د یادو ولسوالیو اوسېدونکې د تګ راتګ پرمهال د ګڼو ستونزو سره مخ دي.
د ا.ا.ا د ټولګتو وزارت سرپرست وزیر د یادو ولسوالیو اوسېدونکو ته ډاډ ورکړ، چې د ځینو سړکونو د رغونې او بیارغونې کار د روان کال په پلان کې شامل دی؛ په نږدې ورځو کې داوطلبۍ ته ورکړل شي او د تدارکاتي پروسې له تر سره کولو وروسته به عملاً پیل شي.
دیادو ولسوالویو د سړکونو په رغونې سره به د ځایي خلکو ستونزې تر ډېره بریده کمې شي او په آسانۍ سره به د ولایت مرکز ته تګ راتګ کوي.
