د غور په لعل سرجنګل ولسوالۍ کې د سړک رغونې چارې ۲۸ سلنه کاري پرمختګ لري
دا جغلي سړک چې ۱۰ کیلومتره اوږدوالی لري، د غور ولایت د لعل سرجنګل ولسوالۍ له سرتکه غال سیمې څخه پيل او د دې ولسوالۍ تر پل دهن تکه سیمې پورې غځیدلی، چې اوس مهال یې رغنیز کار له ۲۸ سلنه کاري پرمختګ سره دوام لري
د یاد سړک رغنیز کار د څه باندې ۲۷ میلیونه افغانیو په ارزښت، په دوو برخو کې له دوو سیمه ییزو شورا ګانو سره تړون شوی، چې مالي لګښت یې د هیواد له ملي بوديجې څخه ورکول کېږي
د دې سړک د رغنیز کار له بشپړیدو سره به د غور ولایت د لعل سرجنګل ولسوالۍ د سرتکه غال او پُل دهن تکه سیمې د لعل سرجنګل ولسوالۍ مرکز ته تر پخوا لنډې شي او سړک ته به د اړوند کليو ترانسپورټي ستونزې ورسره هواري شي
.همدارنګه به د دې سړک د رغنیز کار پرمهال، د لعل سرجنګل ولسوالۍ اوسېدونکو ته په مستقیم او غیرمستقیم ډول ۱۵۰۰ کاري ورځې رامنځته شي
