هرات: په ګذره ولسوالۍ کې د ۲.۵ کیلومتره سړک رغنیز کار ۶۹ سلنه پرمختګ لري
دا کانکریټي سړک چې ۲.۵ کیلومتره اوږدوالی لري، د هرات ولایت د ګذرې ولسوالۍ له محل آزادي سیمې څخه پیل او تر حیدار آباد کلي پورې غځیدلی، چې اوس مهال یې رغنیزې چارې ۶۹ سلنه پرمخ تللي دي.
د دغې پروژې تړون د ټولګټو وزارت له لوري له دوو سیمه ییزو پراختیايي شوراګانو سره شوی چې مالي لګښت یې د هېواد له پراختیايي بودیجې څخه ورکول کیږي.
د دې پروژې د رغنیز کار پرمهال د سیمې اوسېدونکو ته ۵۸۱۹ کاري ورځې رامنځته شوي، چې د کار له بشپړېدو سره به یې د ګذرې ولسوالۍ اړوند علی آباد، حیدر آباد، محل آزادي او دل آباد کلي سره ونښلي او همدارنګه به له دې کانکریټي سړک څخه، ۸۵۰ کورنۍ په مستقیم ډول او ۱۴۸۰ کورنۍ په غیرمستقیم ډول ګټه واخلي.
