د ټولګټو وزارت تخنیکي مرستیال د خوړو نړیوال سازمان له رئیس او د افغانستان لپاره د ملل متحد د ځانګړي استازي له مرستیال سره وکتل
د ټولګټو وزارت تخنیکي مرستیال سید ادریس میر، په داسي حال کې چې د یاد وزارت یو شمیر رئیسانو هم حضور درلود، په افغانستان کې د خوړو نړیوال سازمان ( WFP) له رئیس میرمن مری الن، او د افغانستان لپاره د ملل متحد د ځانګړي استازي له مرستیال ډاکتر رامز الاکبروف سره وکتل او خبرې وکړې.
لومړی د ټولګټو وزارت تخنیکي مرستیال په افغانستان کې د خوړو نړیوال سازمان له فعالیتونو څخه مننه او قدردانی وکړ او په اوسنې حالت کې یې د افغانستان له خلکو سره د نورو مرستو غوښوتنه وکړه.
په دې ناسته کې د ټولګټو وزارت تخنیکي ټیم د هیواد د مواصلاتي لارو، د سړکونو او لویو لارو د ساتنې او څارنې او د ژمي په موسم کې د لارو او سړکونو پاکولو او پرانیستولو او دغه راز د خلکو د ستونزو د هوارولو په اړه پرزینټیشن وړاندې کړ.
همدارنګه په ناسته کې دواړو لوریو د دوستانه اړیکو په پراختیا او پیاوړتیا ټینګار وکړ او د افغانستان د خلکو لپاره د بشر دوستانه مرستو په اړه خبرې وشوې او میرمن مری الن او ښاغلي الاکبروف په راتلونکي کې د همغږي او همکاري ژمنه وکړه.
د ناسته په پای کې فیصله وشوه چې د بشري مرستو د رسولو په موخه به د همغږۍ دا ډول ناستو ته ادامه ورکوو.
د ټلوګټو وزارت رسنیز دفتر
