د ټولګټو وزارت تخنیکي معین له یو شمیر ایراني شرکتونو سره ولیدل
د ټولګټو وزارت تخنیکي معین محترم مولوي عبدالکریم، د یو شمیر افغاني او ایراني ساختماني شرکتونو له استازو سره د دغه وزارت د جلسو په تلار کې؛ په داسي حال کې د نیګمړو پروژو د بشپړولو او د نویو پروژو د کار د پیل په اړه په داسې حال کې وکتل چې، د دغه وزارت د دفتر رئيس مفتي امیر عبدالله، د وزارت یو شمیر تخنیکي رئیسانو او د صنعت او سوداګرۍ وزارت استازو هم حضور درلود.
په دغه لیدنه کې، لومړی د ټولګټو وزارت تخنیکي معین د افغانۍ او ایراني شرکتونو استازو ته ښه د راغلاست تر څنګ د ټولګټو وزارت د پروژو په اړه معلومات ورکړل ویې ویل: زموږ د کار لومړیتوب د نیمګړو پروژو د کار بشپړول او د مهمو لویو لارو ترمیم او روغول دي.
هغه همدارنګه څرګنده کړه، که چیري د نیمګړو پروژو کار بشپړ نشي، د یادو پروژو ترسره شوی کار او شوی مصرف به له منځه ولاړ شي هغه همدا راز د شرکتونو له مسؤولینو څخه وغوښتل، چې لومړی په نیمه کاره پروژو باندې سرمایه ګذاري وکړئ.
ورپسې د افغاني او ایراني شرکتونو استازو د خپلو شرکتونو او د ترسره کړیو پروژو په اړه په خپل وار سره تفصلي معلومات وړاندې کړل او د ټولګټو وزارت د پراختیايي پروژو پطبیق او روغونې په برخه کې علاقمندي وښوده.
په پای کې د ټولګټو وزارت تخنیکي معین له هغوی څخه وغوښتل، چې د سړکونو او لویو لارو د رغونې په موخه ځانګړي طرحه له دغه وزارت سره شریکه کړي چې له مخي به تصمیم ونیول شي.
د یادونې وړ ده، چې یو شمیر افغاني او ایراني ساختماني شرکتونه د ګډو ګټو (مشترک المنافع) په شکل سره یو ځای شوې دي تر څو په پراختیایي پروژو کې په مشترک ډول کار وکړي.
د ټولګټو وزارت رسنیز دفتر
