د ګردندیوال – چغچران سړک د دویمې برخې رغنیز کار ۷۲ سلنه بشپړ شوی
د ګردندیوال – چغچران سړک د دویمې برخې رغنیز کار ۷۲ سلنه بشپړ شوی
لیندۍ ۲۹، ۱۳۹۹
د ګردندیوال – چغران دویمه برخه سړک په میدان وردګو ولایت کې د ۶۰ کېلو متره اوږدوالي او ۱۱ متره پلنوالي په لرلو سره خځېدلی چې دا مهال یې رغنیزې چارې ۷۲ سلنه بشپړې شوې دي.
د دې پروژې تړون د څه باندې ۴ میلیارده افغانیو په ارزښت له یوه خصوصی ودانیز شرکت سره شوی او مالي لګښت یې د افغانستان حکومت له پراختیایې بودجې څخه ورکول کیږي.
یاده پروژه د ختیځ او لویدیځ دهلیز برخه ده، چې له بشپړیدو سره به یي مرکزي ولایتونه له یوبل او د هیواد له کړییز سړک سره ونښلي، همدارنګه به د میدان وردګو، بامیانو، دایکندي، غور او هرات ولایتونو اوسیدونکي په مستقیم او غیر مستقیم ډول ګټه ترې واخلي.
دا سړک به د سیمې د اوسیدونکو لپاره د کاري بوختیا رامنځته کولو سربیره، سیمه ییز پیوستون، منظم ټرانسپورټي سیستم او د هیواد د ختیځ او لویدیځ تر منځ واټن را کم کړي.
د یادونې وړ ده، چې انځورونه د اوړي په موسم کې د پروژې د کار د وخت دي.
د ټولګټو وزارت – کابل
