مرکز زرنج او کنګ ولسوالۍ د نښلوونکي ۳۰۰ متره پُل رغنیزې چارې ۷۵ سلنه بشپړې شوې.
دا پُل چې د نیمروز ولایت په سرشیله سیمه کې د زرنج ښار او کنګ ولسوالۍ پر غځیدلي سړک د هلمند سیند په فرعي ښاخ باندې چې موقعیت لري، ۳۰۰ متره اوږدوالی، ۷ متره پلنوالی، ۱۵ دانې وایې ( لوی کانکرېټي ګاډرونه)، د پُل دواړو غاړو ته ۳۴۰ متره اسفالټ سړک او ۴۰۰ متره ساتنې[محافظوي] دیوال لري.
د یادې پروژې د جوړیدو تړون د دولت له بودیجېڅخه ورکول کيږي چې قرارداد يې د ۲۳۱ میلیونه افغانیو په ارزښت له یوه خصوصي ودانیز شرکت سره شوی، چې تر دې مهاله یې د جوړولو کار ۷۵ سلنه مخته تللی دی.
د یاد پُل په جوړیدو سره به د نیمروز او هرات ولایتونه یو له بل سره ونښلي او هم به د حاجي جانان، سرشیله، محمد یونس، حاجي حکیم، خان، محمد سفر، حاجي نظر محمد، حاجي عبدالله کلاچه، ناراني او محمد ایوب اوزبک زي کليو اوسېدوونکې ترې ګټه واخلي.
د ټولګټو وزارت – کابل
د وري ۷مه، ۱۴۰۰
