په نورستان کې د څه باندې ۱۳ کیلومتره سړک د جوړولو کار۴۳ سلنه پرمختګ لري
دا جغلي سړک چې ۱۳.۹ کیلومتره اوږدوالی لري د پارون ښار له ایشټوي کلي څخه پیل د کامدیش ولسوالۍ تر ګامه کلي پورې غځیدلی دی، چې تر دې مهاله یې رغنیزې چارې څه باندې ۳۴ سلنه پرمختګ لري.
د دغه سړک رغنیز کار د څه باندې ۱۲۰ میلیونه افغانیو په ارزښت د ټولګټو وزارت تر چتر لاندې د کلیو د لار جوړولو ملي پروګرام له لارې د افغانستان دولت په مالي لګښت جوړېږي.
د یاد سړک له بشپړیدو سره به د نورستان کامدیش ولسوالۍ له مرکز پارون ښار سره ونښلي او پر مټ به یې د یادې ولسوالۍ د اوسېدوونکو هغه ټرانسپورټي ستونزې چې مخکې ورسره لاس او ګریوان وو؛ هوارې شي.
همدارنګه د دې سړک د رغنیز کار پرمهال د سیمې اوسېدوونکو ته په مستقیم او غیرمستقیم ډول ۱۱.۹۸۰ کاري ورځي رامنځته شي او له ګټې اخیستنې ورسته به شاوخوا ۹ زره تنه ترې په مخامخ ډول ګټه واخلي.
ټولګټو وزارت _ مطبوعاتي څانګه
