داوطلبۍ ته د بلنې خبرتیا- د قیصار – لامان د حلقوي سړک پر مسیر د دهن بوکن د نوي پل د جوړولو پنځم لاټ پروژې خبرتیا

ټولګټو وزارت ټولو په شرایطو برابرو داوطلبانو ته بلنه ورکوي؛ ترڅود قیصار – لامان د حلقوي سړک پر مسیر د دهن بوکن د نوي پل د جوړولو (پنځم لاټ) د داوطلبۍ په پروسه کې کې ګډون وکړي.

علاقه‌مندان کولای شي د شرطپاڼې او تخنیکي اسنادو برېښنايي سافټ کاپي د ملي تدارکاتو ریاست د برېښنايي تدارکاتو او د افغانستان د پرانیستو داوطلبیو له وېبپاڼې (https://tenders.ageops.af) څخه ترلاسه کړي.

داوطلبان دې خپلې وړاندیزپاڼې (آفرونه) د شرطپاڼې له شرایطو سره سم او د تدارکاتو د اصولو مطابق، په مهر او تړلې بڼه، د اعلان د خپرېدو له نېټې څخه د ۱۴۰۵ هـ.ش کال د چنګاښ د ۲۹مې نېټې د سهار تر ۱۰:۰۰ بجو پورې د ټولګټو وزارت د تدارکاتو ریاست ته، چې د ملالۍ واټ، د پخواني کورنیو چارو وزارت پر سړک، د ملي احصایې او معلوماتو ادارې ترڅنګ موقعیت لري وسپاري.

ناوخته رسېدلي او د انټرنېټ له لارې استول شوي آفرونه د منلو وړ نه دي.

د وړاندیزونو د پرانیستلو غونډه به د ۱۴۰۵ هـ.ش کال د چنګاښ په ۲۹مه نېټه د سهار په ۱۰:۰۰ بجو د ټولګټو وزارت د سړکونو د ساتنې او څارنې د معینیت په مقر کې ترسره شي.