بادغیس: د بالامرغاب ـ غورماچ سړک د هموار کاري او جغل اچونې کار پیل شو
د بادغیس ولایت د ټولګټو ریاست د ماشینرۍ او پرسونل لخوا د دغه ولایت د بالامرغاب ـ غورماچ ولسوالیو سړک د هموار کاري او جغل اجونې کار د ٦ میلیونه افغانیو په ارزښت پیل پیل شو او دا مهال په چټکۍ سره دوام لري.
دغه سړک، د هیواد شمالي ولایتونه له بادغیس ولایت سره نښلوي د بارانونو او سیلابونو له امله تخریب شوی و، چې د تګ راتګ پرمهال یې د بالامرغاب او غورماچ ولسوالیو اوسیدونکي له سختو ترانسپورتي ستونزو سره مخ کړي دي.
د یاد سړک په هموار کاري او جغل اچونه د سیمې اوسیدونکي خوښي څرګندوي، چې له او بیا رغونې سره به یې د یادو ولسوالیو د اوسیدونکو ترانسپورتي ستونزې هواري شي او د پخوا په پرتله به په اساني سره د بادغیس ولایت مرکز قلعه نو ته تګ راتګ وکړي.
د ټولګټو وزارت رسنیز دفتر
