داوطلبۍ ته د بلنې خبرتیا- د آقینې د اوسپنې پټلۍ تمځای د درې لیول کراسینګ دستګاوو د اساسي ترمیم او د تمځای د څلورم فرعي پټلۍ ترڅنګ د سړک د جغل اچونې پروژه

ټولګټو وزارت د ټولو په شرایطو برابرو داوطلبانو څخه غوښتنه کوي چې د (آقینې د اوسپنې پټلۍ تمځای د درې لیول کراسینګ دستګاوو د اساسي ترمیم او د تمځای د څلورم فرعي پټلۍ ترڅنګ د سړک د جغل اچونې پروژې د داوطلبۍ په پروسه کې ګډون وکړي.

علاقه‌مندان کولای شي د شرطنامې او تخنیکي اسنادو سافټ کاپي د ملي تدارکاتو ریاست د الکترونیکي تدارکاتو او (https://tenders.ageops.af) د افغانستان د پرانیستو تدارکاتو له وېبپاڼې څخه ترلاسه کړي او خپل آفرونه (وړاندیزونه) د شرطنامې له شرایطو او د تدارکاتو د اصولو سره سم په تړلو پاکټونو کې د اعلان د خپرېدو له نېټې څخه تر ۱۴۰۵/ ۴/ ۳ هـ.ش نېټې د سهار تر ۱۰:۰۰ بجو پورې د ټولګټو وزارت د تدارکاتو ریاست ته، چې په ملالۍ واټ کې د پخواني کورنیو چارو وزارت پر سړک، د ملي احصایې او معلوماتو ادارې ترڅنګ موقعیت لري، وسپاري.

ناوخته رسېدلي او د انټرنېټ له لارې استول شوي آفرونه د منلو وړ نه دي.

د آفرونو د پرانیستلو غونډه به د ۱۴۰۵/ ۴/ ۳ هـ.ش نېټې د سهار په ۱۰:۰۰ بجو د ټولګټو وزارت د مرکزي ودانۍ په جومات کې ترسره شي.