د روان ۱۴۰۰ مالي کال د بوديجې د لګونې په اړه مالي او اداري غونډه تر سره شوه
د ټولګټو وزارت د مالي او اداري مرستیال محمد حامد محبي په مشرۍ مالي او اداري غونډه تر سره شوه چې د بودیجې د مصرف او اغېزمنتوب په اړه پکې لارښونې وشوې.
د غونډي په پیل کې د ټولګټو وزارت مالي او اداري مرستيال محمد حامد محبي په نوي کال کې د پراختيایې پروژو په پيل، پلي کولو، ساتنې او څارني او د راون کال په رغنيزو چارو تفصیلي خبرې وکړې، او زياته يې کړه چې ټولې اړندي ادارې مکلفې دي چې د ۱۴۰۰ مالي کال لپاره د پراختيايي پروژو د بودیجې د لګونې مشخص پلان جوړ او چارې د هغه پر اساس پر مخ یوسي.
ښاغلي محبي ټولو اړوندو ریاستونو ته سپارښتنه وکړه چې د حوالو د اجرا لپاره باید د شرکتونو تخصیصات تنظیم او د شرکتونو ستونزې هوارې کړي.
د ښاغلي محبي په وینا د ټولو شرکتونو بلونهINVOICES) ) باید د ( PMIS) سیسټم له لاري کنټرول او تر سره شي او شرکتونه باید پر دې خبر کړل شي چې د هغوی اینوایسونه له دې وروسته د (پی ام آی اېس) سیستم له لارې تر سره کیږي.
د غوندي په جريان کې ریسانو او ادارو مسولينو د پراختيایې پروژو د پرمختګ، کيفيت ، څارني، تدارکاتي مسایلو، بودیجې او بیلا بېلو مسايلو په اړه خپل نظرونه څرګند او لازمې پرېکړې یې وکړې.
ټولګټو وزارت
د وري ۹مه ۱۴۰۰
