د لغمان ــ سرخکان سړک، د خروټو په سیمه کې یو پلچک ترمیم او بیاورغول شو
د لغمان ټولګټو ریاست د کارکوونکو لخوا د لغمان ــ سرخکان پر لار ویجاړ شوی پلچک ترمیم او بیاورغول شو.
دغه پلچک چې څه موده وړاندې د هېواد د دښمنانو له لوري ویجاړ شوی وو؛ خورا ګڼې ټرافیکي ستونزې یې د ولسونو د تګ راتګ پرمخ جوړې کړې وي.
د لغمان ټولګټو ریاست د یاد پلچک د بیارغولو په برخه کې په بېړنۍ توګه لاس پکار شو او دغه پلچک یې بیا ځلې ورغول شو.
د یادولو وړ ده، چې ټولګتو وزارت د هېواد په کچه ټول هغه پلونه، پلچکونه او سړکونه چې د دولت ضد وسلوالو مخالفینو لخوا ویجاړ شوي؛ امکاناتو ته په کتو یې بیا ځلې په اساسي ډول جوړوي.
