د هرات-کندهار د اوسپنيزې کرښې د تفصيلي ډيزاين اړوند (۵) تړونونه د شاوخوا (۳.۷) ميليونه امريکايي ډالرو په ارزښت له پنځو شرکتونه سره لاسليک شول
د ا.ا.ا د ټولګټو سرپرست وزير محترم الحاج ملا محمد عيسی ثاني د هرات-کندهار د (۷۳۷.۵) کيلومتره اوسپنيزې کرښې د تفصيلي ډيزاين اړوند (۵) تړونونه د شاوخوا (۳.۷) ميليونه امريکايي ډالرو په ارزښت له پنځو شرکتونه سره لاسليک کړل، چې د (۸) مياشتو په موده کې به يې چارې بشپړې شي.
لومړۍ برخه: د هرات-شينډنډ مسير دی، چې (۱۲۰) کيلومتره اوږدوالی لري او د (۷۴۰۹۳۹) امريکايي ډالرو په ارزښت يې د تفصيلي سروې او ډيزاين چارې له افغان-جرمن ساختماني، سړکسازي او اوسپنې پټلۍ شرکت سره قرارداد شوي دي.
دويمه برخه: د شينډنډ-فراه مسير دی، چې (۱۲۰) کيلومتره اوږدوالی لري او د (۶۵۰۴۵۵) امريکايي ډالرو په ارزښت يې د تفصيلي ډيزاين چارې له هسک انجنيري خدمتونو شرکت سره قرارداد شوي دي.
دريمه برخه: د فراه-زرنج-غورغوري مسير دی، چې (۱۸۸.۸) کيلومتره اوږدوالی لري او د (۹۸۷۵۳۸) امريکايي ډالرو په ارزښت يې د تفصيلي ډيزاين چارې له هسک انجنيري خدمتونو شرکت سره قرارداد شوي دي.
څلورمه برخه: د غورغوري-لښکرګاه مسير دی، چې (۱۷۱) کيلومتره اوږدوالی لري او د (۸۶۰۰۰۰) امريکايي ډالرو په ارزښت يې د تفصيلي ډيزاين چارې له آريا خان افغان ساختماني، سړکسازي او لوژستيکي خدمتونو شرکت سره قرارداد شوي دي.
پنځمه برخه: د لښکرګاه-کندهار مسير دی، چې (۱۳۷.۷) کيلومتره اوږدوالی لري او د (۵۳۱۹۲۰) امريکايي ډالرو په ارزښت يې د تفصيلي ډيزاين چارې له آريا خان افغان ساختماني، سړکسازي او لوژستيکي خدمتونو شرکت سره قرارداد شوي دي.
د يادونې وړ ده، چې د يادې پروژې د تفصيلي سروې او ډيزاين چارو تر بشپړېدو وروسته به ددې پروژې د بودجې تمويل ته په کتو يې عملي چارې هم پيل شي.
