د ټولګټو وزارت سرپرست وزیر نیمروز او هلمند ولایتونو ته د خپل کاري سفر په ترڅ کې د یاد وزارت ترکارلاندې پروژو څخه له نږدې لیدنه وکړه
د ټولګټو وزارت سرپرست وزیر محترم الحاج ملا محمد عیسی ثاني؛ چې د ياد وزارت یو شمېر مرکزي او تخنیکي رئیسانو ملتيا کوله جنوب غربي او غربي ولايتونو ته د خپل کاري سفر په ترڅ کې نیمروز او هلمند ولایتونو ته هم سفر و کړ او په دغه ولایتونو کې یې د یاد وزارت ترکارلاندې پروژو څخه له نږدې لیدنه وکړه.
د ټولګټو وزارت سرپرست وزیر لومړی نیمروز ولایت ته ورسید او په دغه ولایت کې یې د وریښمو له بندر،سرشیله او چخانسور پُلونو، د زرنج – دلارام مسیر او یو شمیر نورې تر کار لاندې پروژو څخه د لیدنې ترڅنګ د نیمروزولايت د ټولګټو رياست کار کوونکو سره هم ولیدل او هغوي ته یې لار ښوونه وکړه چې، د پروژو د کارچټکتیا او د خلکو ترانسپورتي ستونزو ته دي جدي پاملرنه وکړي ترڅو د پروژو کار ژر ترژره بشپړ او د خلکو ترانسپورتي ستونزې حل شي.
د ټولګټو وزارت سرپرست وزیر د خپل کاري سفر په بهیر کې هلمند ولایت ته هم سفر وکړ او د دغه ولایت د ټولګټو چارو رئیس او پرسونل سره یې پر لیدو سربیره په دغه ولایت کې د کابل – کندهار لویې لارې له یوې برخې څخه هم لیدنه وکړه او د یاد ولایت پرسونل ته یې د کار د چټکتا، غوره کیفیت او ښه والي په اړه لازمې لارښونې وکړي.
د يادونې وړ ده؛ په ياد سفر کې د تولگټو وزارت تخنیکي پلاوي د يادو ولایتونو له مالي او تخنیکي څانگو څخه لیدنه او ارزونه وکړه او د یادو برخو کار کوونکو ته يې د کار د لا ښه والي په موخه لازمې لارښوونې وکړې.
