د پکتیا – خوست لویه لاره د ټرافیکو پرمخ پرانیستل شوه
د هېواد په جنوب ختیځ ولایت پکتیا کې د سختو سیلابونو راوتلو او غر ښویېدنې له کبله د پکتیا – خوست لویه لار د پکتیا ولایت اړوند په سټو کنډو سیمه کې بنده شوې وه چې بېرته پرانسل شوه.
د پکتیا ولایت د ټولګټو ریاست کارکوونکو په بېړنۍ توګه له خپلې ماشینرۍ څخه په ګټې اخیستنې، یاده لویه لار په بشپړ ډول د سیلابونو له پاتې شونو څخه پاکه او د ټرافیکو پرمخ پرانیستله.
د سړک ورانې شوې برخې به هم د یوه پلان له مخې په لنډو وخت کې بېرته جوړې او د سېلابونو له تخریب څخه د مخنیوي په پار به بنسټز کار ورباندې وشي.
