د چغچران ـ ګردندیوال سړک دویمه برخه په میدان وردګو ولایت کې ۷۱ سلنه کاري پرمختګ لري
د چغچران ـ ګردندیوال پروژې دویم لاټ سړک چې ۶۰ کیلومتره اوږدوالی او ۱۱ متره پلنوالی لري، اوس مهال یې رغنیزې چارې له ۷۱ سلنه کاري پرمختګ سره دوام لري.
د چغچران ګردندیوال پروژې دویمه برخه ۵۵ کیلو متره په میدان وردګو او ۵ کیلو متره په بامیانو ولایت تر کار لاندې ده چې د ختیځ ـ لویدیځ دهلېز یوه مهمه برخه ګڼل کیږي
د ختیځ – لودیځ دهلېز د افغانستان د ځمکني ټرانسپورټ یوه له بنسټیزو پروژو څخه بلل کیږي چې له ننګرهار ولایت څخه پیل، د لغمان، کابل، میدان وردګو، بامیانو او غور ولایت څخه په تېرېدو سره تر هرات ولایت پورې رسی.
د دې دهلېز ډېرې برخې جوړې شوې او پر ځینو یې په میدان وردګو، غور او هرات ولایتونو کې کار روان دی خو ځینې نورې برخې یې تر سروې، ډیزاین او تدارکاتي پړاو لاندې دي.
د ختیځ – لودیځ دهلېز د افغانستان له لارې د سیمې د نښلېدو یوه له نږدې او مهمو لارو څخه ګڼل کیږي چې په جوړېدو سره به یې تور غونډۍ بندر له طورخم بندر سره ونښلي.
