د یکاولنګ ــ دره صوف سړک د جوړولو کار له ۲۷ سلنه بشپړېدو سره روان دي
د یکاولنګ ــ دره صوف سړک د جوړولو کار له ۲۷ سلنه بشپړېدو سره روان دي
دا سړک د بامیانو ولایت له یکاولنګ ولسوالۍ څخه تیریږي او د سمنګان ولایت د دره صوف ولسوالۍ تر مرکزه غځیدلی چې ۱۸۳ کیلومتره اوږدوالی او د ۳ مترو غاړو په درلودلو سره ۱۰ متره پلنوالی لري.
په یاد سړک کې ۲۴۳ پلونه او ۳۸۹ پُلګوټي شامل دي، چې د رغونې تړون یې له یوه خصوصي ودانیز شرکت سره د څه باندې ۲۰۴ میلیونه امریکایې ډالرو په ارزښت شوی.
تر دې مهاله یې د جوړوني کار ۲۷ سلنه مخته تللی چې د کار له بشپړیدو سره به یې د ده بهبود، کوته، چهارده، بینمنګ، دهن تور، حسني، زیرکی او سر ولنګ کلیو سربیره د دره صوف ولسوالۍ د مرکز اوسیدونکې هم ګټه واخلي.
د یکاولنګ ــ دره صوف سړک، د هیواد د شمال ـ سویل دهلیز، یوه برخه ده چې د سوداګریزو توکو په لیږد، د هیواد اقتصادي پراختیا، د منظم او ګټور ټرانسپورټي سیستم رامنځته کیدو او ځایې خلګو لپار د کار زمینې په برابرولو کې به پراخه مرسته وکړي.
د ټولګټو وزارت ــ کابل
لیندۍ ۱۱، ۱۳۹۹
