سمنگان: د ایبک – پلخمري پر مسیر د دری پایو پلونو د ترمیم او بیارغونې چارې دوام لري
د سمنگانو ولایت اړوند د ایبک – پلخمري پر لویه لار د درې پایو پلونو د ترمیم او بیارغونې چارې د ټولگټو وزارت له لوري په چټکۍ سره دوام لري.
د پُلونو د ترمیم او بیارغونې دا پروژه د ټولگټو وزارت له لوري له یوه خصوصي ودانیز شرکت سره د څه باندې ۶.۴ میلیونه افغانیو په ارزښت تړون شوې، چې د ا.ا.ا، له لوري تمویلیږي.
د دې پروژې د کار په جریان کې د سیمې اوسیدونکو ته په مستقیم او غیر مستقیم ډول کاري بوختیاوې رامنځته شوې دي، چې د کار له بشپړیدو سره به یې د سمنگانو ولایت اوسيدونکو ترانسپورتي ستونزې د پخوا په پرتله هواري شي.
ټولگټو وزارت هڅه کوي، چې د دغه وزارت مالي امکاناتو ته پام سره د خلکو ترانسپورتي ستونزي هوارې کړي.
