لغمان: د دولت شاه او علیشنګ ولسوالیو سړک د ترمیم کار د ۳ میلیونه افغانیو په ارزښت پیل شو
د ټولګټو وزارت له لوري د لغمان ولایت د دولت شاه او علیشنګ ولسوالیو د عمومي سړک د ترمیم او بیارغونې کار پیل شو.
دغه ترمیماتي پروژه، چې د ۳ میلیونه افغانیو په ارزښت قرارداد شوې ده، د ۸ پایو پُلګوټو ترمیم او د ۸۰ متره استنادي دیوال رغول هم په کې شامل دي، چې لګښت یې د ا.ا.ا له بودیجې څخه ورکول کیږي.
د یادې پروژې د کار په جریان کې به د سیمې یو شمېر اوسېدونکو ته د کار زمینه برابره شي او د چارو له بشپړېدو سره به یې، د دولت شاه او علیشنګ ولسوالیو د اوسېدونکو ترانسپورتي ستونزې هوارې شي.
د ټولګټو وزارت رسنیز دفتر
