په کندوز کې وسله والو مخالفینو یو پل او دوه پلګوټي نړولي
په داسې حال کې چې ټولګټو وزارت د هېواد ټولو ولایتونو کې د سړک رغونې ګڼې پروژې تر کار لاندې لري خو وسله وال مخالفین د سړکونو، پلونو او پلګوټو په نړولو سره لوی زیان رسوي.
وسله والو مخالفینو وړمه ورځ د کندوز ولایت په امام صاحب ولسوالۍ کې دوه پلګوټي او یو پل په بمونو الوزولي چې د خلکو د تګ راتګ لار یې بنده کړې ده.
د دغو نښلون ځایونو پر بیا رغونه به نږدې اوه میلیونه افغانۍ لګښت راشي چې د خلکو د تګ راتګ په برخه کې یې ګڼې اجتماعي، اقتصادي او نورې ستونزې رامنځته کړې دي.
ټولګټو وزارت د جګړو او نا امنیو له کبله نشي کولی چې په یاده سیمه کې نړلول شوي پلګوټي او پُل جوړ کړي خو د امن په راتګ سره به دا او ورته نورې ټرانسپورټي زېربناوې ورغوي.
