د سالنګونو پر لویه لار د کوچنيو مسافر وړونکو وسايطو تګ راتګ له دواړو خواوو جریان لري
نن ورځ په سالنګونو کې هوا لمر ده، دامهال مسافر وړونکي وسایط له دواړو لورو تګ راتګ کوي او د سالنګونو د ساتنې او څارنی ریاست کارکوونکي د واورې په پاکولو بوخت دي او په واورينو او کنګل شویو سیمو کې د خاورې او مالګې شیندل جریان لري، تر څو بار وړونکو وسایطو ته د ورځې په جریان کې له یو طرف څخه په نوبت وار ډول د تګ اجازه ورکړل شي.
د ټولګټو وزارت تل هڅه کوي، چې د واورې او بارانو له امله د هېواد بندې لارې او سړکونه د مسافرو د هوسا تګ راتګ لپاره د ترافیکو پرمخ پرانیستي و ساتي.
