په اروزګان ولایت کې د ٧٩ کیلومتره سړک د ترمیم او داغګيرۍ چارې د ١٨.٥ میلیونه افغانیو په ارزښت پیل شوې
د ټولګټو وزارت له لوري په اروزګان ولایت کې د ترینکوټ - چورې ٤٢ کیلومتره سړک، د دهراود - بلاغ ٢٠ کیلومتره سړک او د چنارتو - مهرآباد ١٧ کیلومتره سړک د ترمیم او داغګیرۍ چارې د اروزګان ولایت محترم والي، د یاد ولایت د ټولګټو رئیس محترم مولوي آدم جان نعماني او یو شمېر سیمه ییزو مسئولینو په شتون کې رسماً پیل شوې.
یادې پروژې څه موده مخکې د ټولګټو وزارت او خصوصي سکتور ترمنځ د شاوخوا ١٨.٥ میلیونه افغانیو په ارزښت قرارداد شوې وې، چې د ترمیم او داغګيرۍ چارې یې رسماً پیل شوې.
د یادو سړکونو په ترمیم او داغګیرۍ سره به د اروزګان ولایت او اړوندو ولسواليو د اوسېدونکو د تګ راتګ ستونزې د پخوا په پرتله هوارې شي.
