په هلمند ولایت کې د موسی کلا – ګرشک ۲۰ کیلومتره سړک د رغونې چارې پیل شوې
د ا.ا.ا د ټولګټو وزارت له لوري په هلمند ولایت کې د موسی کلا – ګرشک سړک د لومړي لاټ ۲۰ کیلومتره رغونې چارې د یو شمېر سیمه ییزو مسئولینو، قومي مخورو او سیمه ییزو اوسېدونکو په شتون کې پیل شوې.
دغه پروژه د څه باندې ۴۳۲.۴ میلیونه افغانیو په ارزښت د محمد ولي انصاري سرک سازۍ اوساختماني شرکت سره قرارداد شوې دي چې چارې به یې د ۲۴ میاشتو په موده کې بشپړې او ګټه اخیستنې ته وسپارل شي.
دغه سړک ۴۶.۵ کیلومتره اوږدوالی لري او په اوږدو کې یې د یو شمېر پلونو او پلګوټو د رغونې کار هم شامل دی، چې دا مهال یې د لومړي لاټ ٢٠ کیلومتره برخې کار پیل شو.
دیاد سړک د کار په بشپړېدو سره به د ګرشک او موسی کلا ولسوالیو د اوسېدونکو د تګ راتګ، د تجارتي توکو او کرنیزو محصولاتو د انتقالاتو په برخه کې بشپړې آسانتیاوې رامنځته شي.
