د مزارشریف ښار د دوهم حلقوي سړک د اسفالټ اچوني چارې پیل شوې
د مزارشریف ښار د دوهم حلقوي سړک د اسفالټ اچوني چارې پیل شوې
د مزارشریف ښار حلقوي سړک له کامګار چوک څخه پیل د خالد بن ولید پروژې تر شمع چوک پورې غځیدلی چې څه باندې ۱۷کیلومتره اوږدوالی ۴۰ متره پلنوالی، ۱۳ متره د حرکت ۲ خطونه، ۳ متره پلنوالی سره د سړک منځ ګلدان او ۴.۷ متره پلي لار لري چې د یو میلیارد او دری سوه یو میلیون افغانیو په لګښت په دوو لینو کې جوړيږي، د اسفالټ اچوني چارې یې د بلخ ولایت سیمه اییزو چارواکو لخوا پیل شوې او د افغانستان حکومت لخوا تمویل کیږي.
د یاد سړک په بشپړولو سره به ترانسپورټي ستونزي حل، د ښار په داخل کې د ترافیکي ګڼه ګڼو کموالی، ښاري پراختیا، د ژوند او ټولنیز وضعیت ښه والی، همدارنګه اقتصادي او کرنیزه وده کې اغیزمن رول لري.
د ټولګټو وزارت ــ کابل
لړم ۶، ۱۳۹۹
