د ټولګټو وزارت د عامه پروژو د مالي تمویل په اړه د پروپوزلونو وړاندې کولو بلنه
Publish Date
Closing Date
د سوداګریزو بانکونو له لارې د عامه پروژو د تمویل د میکانېزم پر اساس د عامه پروژو د مالي تمویل د زمینې برابرولو د زیربنایي پروژو د پلي کېدو بهیر د چټکتیا او د هېواد د سوداګریزو بانکونو له مالي ظرفیتونو او امکاناتو څخه د اغېزمنې ګټې اخیستنې په موخه د ټولګټو وزارت په پام کې لري، چې د هېواد ټولو هغو سوداګریزو بانکونو ته، چې د فعالیت جواز لري بلنه ورکړي؛ ترڅو د عامه پروژو د مالي تمویل په برخه کې خپل پروپوزلونه، شرایط او مالي وړاندیزونه وړاندې کړي.
له همدې امله له ټولو علاقمندو سوداګریزو بانکونو څخه غوښتنه کېږي چې خپل پروپوزلونه او وړاندیزونه د لاندې ټکو په پام کې نیولو سره ترتیب او د ټولګټو وزارت ته وسپاري:
۱. د بانک پېژندنه د فعالیت مخینه، کاري تجربه، مالي او اعتباري ظرفیت.
۲. د عامه پروژو د مالي تمویل په اړه د بانک وړاندیز شوي شرایط، اصول او میکانېزم.
۳. د هرې پروژې لپاره د مالي تمویل د وړاندې کولو اندازه او اعظمي حد او همدارنګه د بانک د ټولیز تمویلي ظرفیت کچه.
۴. د ګټې کچه، فیسونه، کمېشنونه او د مالي تمویل اړوند نور لګښتونه.
۵. د تمویل موده، د تمویل شوو پیسو د بېرته ورکړې شرایط او میکانېزم.
۶. د مالي تمویل د ترلاسه کولو لپاره د تضمینونو، وثیقو او نورو اړینو اسنادو شرایط.
۷. د مالي تمویل د غوښتنې د ارزونې، منظورۍ او ورکړې پړاوونه، کړنلارې او اړین اسناد او مدارک.
۸. د مالي تمویل د غوښتنلیکونو د څېړنې، ارزونې او منظورۍ لپاره اړینه موده.
۹. د زیربنایي او عامه پروژو د تمویل لپاره د بانک له لوري وړاندیز شوي ځانګړي شرایط او اسانتیاوې.
۱۰. د عامه پروژو د تمویل په تړاو نور شرایط، محدودیتونه، امکانات او تخنیکي او مالي وړاندیزونه.
سوداګریز بانکونه مکلف دي چې خپل پروپوزلونه او وړاندیزونه په رسمي ډول د بانک پر رسمي سربرګ، د باصلاحیته مسئول په لاسلیک او د بانک په رسمي مهر په تړلي پاکټ کې د ۱۴۰۵ کال د لیندۍ میاشتې تر ۳مې نېټې پورې د ټولګټو وزارت د تدارکاتو ریاست ته وسپاري.
