په فاریاب ولایت کې د یو کانګرېټي پُل د جوړولو چارې دوام لري
دغه کانګرېټي پُل چې د فاریاب ولایت د پښتون کوټ ولسوالۍ اړوند په آق مسجد سیمه کې جوړېږي، اوږدوالی یې ۶۰ متره او سور یې د ۵ مترو په اندازې دی
یاد پُل د څه باندې ۲۶ میلیونه افغانیو په ارزښت د ټولګټو وزارت د کلیوالي لار جوړولو د ملي پروګرام له لورې رغېږي، چې د جوړیدا تړون یې له یو خصوصي ودانیز شرکت سره شوی او تردې مهاله یې د کار چارې ۳۳ سلنه کاري پرمختګ لري او ټول مالي لګښت یې د افغانستان دولت له بودیجې څخه ورکول کېږي
په پام کې ده، چې د دې پُل د جوړیدا په صورت کې به ۹۸۰ کسان په مستقیم او شاوخوا ۵۴۵۰ تنه نور به ترې په غیر مستقیم ډول ګټه واخلي
د یاد پُل له رغیدا سره سم به روغتیایي او ښوونیزو مرکزونو ته د اړوندو سیمو د خلکو تګ — راتګ له پخوا اسانه شي او هم به کرنیز محصولات پر وخت سره د ولسوالۍ تر بازارونو پورې ورسېږي
