پکتیا: د ګردېز - زرمت سړک د څلورمې برخې چارې له ۲۴ سلنه پرمختګ سره روانې دي
د پکتیا ولایت د ګردیز - زرمت سړک څلورمه برخه چې ۱۲ کیلومتره اوږدوالی او ۱۰ متره پلنوالی لري، اوس مهال یې رغنیز کار له ۲۴ سلنه پرمختګ سره دوام لري.
د ګردیز – زرمت سړک دا برخه د ټولګټو وزارت له لوري له یوه خصوصي ودانیز شرکت سره تړون شوي چې مالي لګښت یې د افغانستان دولت ملي له بودیجې څخه ورکول کیږي.
د ګردېز زرمت سړک د دې برخې له جوړېدو سره به د زرمت ولسوالۍ د اوسېدونکو تر څنګ د پکتیکا ولایت اوسېدونکو ته هم ترانسپورتي آسانتیاوې رامنځته شي.
د زرمت ولسوالۍ له مرکز تعمیر بازار څخه د پکتیکا تر مرکز ښرنې پورې سړک له وړاندې جوړ شوی و، خو د ګردېز – زرمت سړک له بشپړېدو سره به نه یوازې ګردیز او ښرنه سره ونښلي بلکه پکتیا به له غزني ولایت سره هم وصل کړي.
