د قرارداد د ورکړې د تصميم خبرتيا؛د حيرتان سټيشن اړوند د (وسايطو د پارکينګ جوړولو، د نښلونکو سړکونو، احاطوي ديوال او يوه پايه ټرانسفرمر نصبولو) قرارداد!
د تدارکاتو قانون د (۲) فقرې د (۴۳) مادې له مخې، ټولګټو وزارت په پام کې لري، چې د حيرتان سټيشن اړوند د (وسايطو د پارکينګ جوړولو، د نښلونکو سړکونو، احاطوي ديوال او يوه پايه ټرانسفرمر نصبولو) قرارداد، چې (MOPW/1403/W-025/NCB) تشخصيه نمبر لرونکی دی؛ الماس خراسان ساختماني، سړکسازي او د لوژستيکي خدمتونو شرکت ته د تدارکاتو قانون او طرزالعمل سره سم، چې د (79249) جواز نمبر لرونکی دی او د کندز په مرکز د مدرسې په کوڅه کې موقعيت لري؛ په ټولیزه توګه د (6449540.5) افغانيو په مبلغ په قرارداد ورکړي.
هغه حقيقي او حکمي اشخاص چې په دې برخه کې کوم اعتراض ولري؛ کولی شي خپل اعتراضونه د تدارکاتو قانون د ۵۰ مادې سره سم په ليکلي ډول د دې اعلان د خپریدو له نیټې څخه تر اوو تقویمي ورځو پورې د ټولګټو وزارت د تدارکاتو ریاست ته، چې په ملالۍ واټ کې د کورنیو چارو د پخواني وزارت د ملي احصايې او معلوماتو ادارې ته څېرمه موقعیت لري، وړاندې کړي.
دا خبرتيا د تړون د پای ته رسیدو معنی نه لري، پرته له دې چې پورته ذکر شوې نیټه بشپړه شي او راتلونکي قانوني پروسې به قرارداد پای ته ونه رسوي.
