د کابل حلقوي سړک د لومړي فاز د مالکیت حق تثبیت لړۍ بشپړه شوه
د ښار جوړلو او ځمکو وزارت تازه په یو خبر پاڼه کې ویلي؛ چې د کابل ښار د کړییز سړک په مسیر کې د مالکیت حق د تثبت پروسه بشپړه شوي او د یادې پروژې استملاکي اسناد یې کابل ښاروالۍ ته لیږلي.
د یاد کړییز سړک لومړی لاټ د ۲۲ کیلومترو په اوږدوالی له ارغندۍ چوک څخه پیل او د د شت برچې، امید سبز شهرک، قلعه مسلم، دوغ آباد او فتوح کلا سیمو څخه تیریږې او تر سنګ نوشته سیمې پورې رسیږي چې د مالکیت حق د تثبت پروسه یې بشپړه شوي.
د کابل کړییز سړک چې ۱۲۰ کیلومتره اوږدوالی لري په څلورو برخو (لاټونو) ویشل شوی چې د کابل څلور واړه دروازې سره نښلوي، یاده پروژه د افغانستان دولت له لومړیتوبونو څخه ده چې له پلي کیدو سره به یې په کابل ښار کې د ټرافیکو جریان منظم او همدارنګه د لوړ تناژ یا باروړنکي موټر بې له دې چې کابل ښار ته ننوځي پر یاد مسیر به تیریږي.
د یادونې وړ ده چې، د یاد سړک د استملاک چارې د کابل ښاروالۍ دنده ده چې له بشپړیدو ورسته به یې د ټولګټو وزارت رغنیزې چارې پیل کړي.
ټولګټو وزارت ـ کابل
