د دایکندي ولایت مرکز نیلي ښار دننه سړکونه له ۶۱ سلنې ډیر کاري پرمختګ لري
دغه پروژه د ۸.۸ کیلومټره اوږدوالي او ۱۴ متره سور په درلودو سره د ښاري او ټرافیکي نښو ترڅنګ، یو شمېر پیاده رونه او د سړک غاړې لښتي هم لري.
د یادې پروژې د جوړیدو تړون د څه باندې ۶۳۱ میلیونه افغانیو په ارزښت د افغانستان د دولت له لوري له یو خصوصي ودانیز شرکت سره شوی، چې تردې دمه تر ۶۱ سلنه ډیر کاري پرمختګ لري او په ۱۱ برخو ویشل شوي، چې د نیلي ښار عمومي او فرعي سړک برخې یادولی شو.
د دغې پروژې په بشپړیدا سره به د ډایکنډي ولایت د نیلي ښار د اوسیدوونکو لپاره ګڼې ټرانسپورټي آسانتیاوې رامنځته شي، د ښاري پراختیا تر څنګ روغتیایې او ښوونیزو مرکزونو ته د خلکو لاس رسی اسانه شي همدارنګه به یاد سړک د چاپیریال پاکوالي په برخه کې ګټور رؤل ولري.
ټولګټو وزارت ـ کابل
