د سمنګان له دره صوف څخه تر شباشک کان پوري د سړک کار ۵۰ سلنه بشپړ شوی
دا سړک د ۳۷.۱۹۴ کيلومتره اوږدوالي او ۱۰ متره پلنوالی په درلودلو سره د سمنګان ولايت، د دره صوف بالا ولسوالۍ له سوخته بازار څخه د یاد ولایت تر شباشک د ډبرو او سکرو کان پوري غځیدلی
همدارنګه د یاد سړک په اوږدو کې دوه پایې ۸۰ متره پُلونه، ۱۱۲ پایې پُل ګوټي، ۶۴۰۰ مترو په اوږدوالی ۵۶ معبرونه هم شامل دي
دا پروژه د څه باندې یو ميلیارد افغانيو په ارزښت له يوه خصوصي ودانیز شرکت سره تړون شوی، چې مالي لګښت يې د افغانستان دولت له ملي بوديجې څخه ورکول کيړي او دا مهاله یې د جوړولو کار له ۵۰ سلنه کاري پرمختګ سره دوام لري
د یاد سړک د رغنیز کار په جریان کې د سیمې اوسېدوونکو ته د کار زمینه برابره شوي چې د کار له بشپړدو سره به یې د سمنګان ولایت د کانونو په استخراج کې اسانتیا رامنځته شي
همدارنګه د هیواد په اقتصادي پياوړتیا او د سمنګان ولایت په ترانسپورتي زیربینا په رامنځته کولو کې به بنسټيز رول ترسره کړي او د ټولنیز ثبات ترڅنګ به د دره صوف ولسوالۍ اوسېدوونکې روغتیایي او ښوونیزو مرکزونو ته تر پخوا په اسانه توګه لاس رسی پیداکړي
ټولګټو وزارت ـ کابل
