د هیواد د لویو لارو او سړکونو د عمومي وضعیت څرنګوالی
غور: د واورې اورښت دوام لري، د غور – هرات او غور – کابل په ګډون د دې ولایت د ولسوالیو ټولي مواصلاتي لارې د تګ راتګ پرمخ بندې شوې دي.
دایکنډي: د واورې د تېز اورښت له امله د دې ولایت ټولي غځېدلي لارې د تګ راتګ پرمخ بندې دي.
بامیان: د واورې اورښت دوام لري، د پسته شش – حاجیګک کوتل، دشت دیوالي – پنجاب بازار، د پنجاب – ابقول، ورس – قناق کوتل مسیرونه د تګ راتګ پرمخ بند شوې دي، په دې ولایت کې د واورې اندازه له ۲۰ سانتي مترو څخه تر یو متر پورې رسېږي.
بادغیس: د وارې اورښت دوام لري، د هرات – سبزک کوتل لار، د تګ راتګ پرمخ بندې شوې، خو نورې ټولي لارې د تګ راتګ پرمخ بندې دي.
هرات: د وارې اورښت دوام لري، د هرات – تور غونډۍ مسیر د ترافیکو پر مخ بند شوی دی چې د پاکو کار یې هم دوام لري.
مزار شریف: هوا باراني ده، په ځینو ولسوالیو کې د واورې اورښت دوام لري، د چارکنت، مارمل او کشیندی ولسوالیو لارې د تګ راتګ پرمخ بندې شوې دي.
د سالنګ لویه لار: د واورې د تېز اورښت او طوفان له کبله د سالنګ لویه لار د هر ډول ترافیکو پرمخ بنده ده.
همدارنګه؛ په میدان وردګو، پروان، پنجشیر، سرپل، بدخشان، نورستان، کندوز، بغلان او پکتیا ولایتونو کې د واورې اورښت دوام لري؛ خو د یادو ولایتونو ټولي موصلاتي لارې د ترافیکو د تګ راتګ پرمخ پرانیستې دي.
د ټولګټو وزارت ولایتي ریاستونه له قراردادي شرکتونو سره په همغږۍ د ټولو بندو لارو د پرانیستلو لپاره هڅې کوي.
