په خوست ولایت کې د دوو پایو پلګوتو د ترمیم او بیا رغونې چارې پیل شوې
د ا.ا.ا د ټولګټو وزارت لخوا د خوست ولایت د موسی خېلو او قلندر ولسوالیو د سړک په اوږدو کې د دوو پایو پلګوتو د ترمیم او بیارغونې چارې د یاد ولایت د ټولګټو رئیس محترم الحاج ملا محب الله عباس، سيمه ییزو مسؤلانو او قومي مخورو په شتون کې پیل شوې.
دغه پل ګوټي، چې تخریب شوې وو او د یادو دوو ولسوالو مسیر یې د بندیدو له ګواښ سره مخ کړی و، د ټولګټو وزارت لخوا یې د ترمیم او بیا رغونې چارې د شاو خوا ۳۳۵ زره افغانیو په ارزښت له خصوصي سکتور سره قرارداد شوې دي او د دوه میاشتو په موده کې به یې کار بشپړ شي.
دیادو پلګوټو په ترمیم او بیا رغونې سره به د خوست ولایت د موسی خېلو او قلندر ولسوالیو د او سیدونکو د تګ راتګ ستونزې هوارې شي او د سړک له احتمالي بندیدو څخه به مخ نیوی وشي.
