د قرارداد د ورکړې د پرېکړې خبرتیا- د قیصار–لامان حلقوي سړک د پنځم لاټ پر مسیر د دهن بوکن د نوي پل د جوړولو پروژه

په همدې وسیله د تدارکاتو اصولو له مخې ټولو  ته خبر ورکول کیږي، چې د ټولګټو وزارت په نظر کې لري؛ ترڅو د قیصار–لامان حلقوي سړک د پنځم لاټ پر مسیر د دهن بوکن د نوي پل د جوړولوپروژې قرارداد، چې د MOPW/1405/W-016/NCB  تشخصیه نمبر لرونکی دی، د تابش امید لمیټډ ساختماني، سړک جوړونې او ساختماني موادو د تولید شرکت ته چې د جواز شمېره یې (D- 25176)ده او د غور ولایت په مرکز، چغچران ښار کې موقعیت لري، د (58,642,710) افغانیو په بدل کې په قرارداد ورکړي.

هغه حقیقي او حکمي اشخاص چې په دې اړه هر ډول اعتراض ولري، کولای شي د دې اعلان د خپرېدو له نېټې څخه تر پنځو (5) تقویمي ورځو پورې خپل اعتراض په لیکلي ډول، له اړوندو دلایلو سره یوځای د ټولګټو وزارت د تدارکاتو ریاست ته، چې د ملالۍ واټ د کورنیو چارو پخواني وزارت پر سړک، د احصایې او معلوماتو عمومي ادارې ترڅنګ موقعیت لري وسپاري.

دا خبرتیا د قرارداد د عقد په معنا نه ده، او د پورته یادې شوې مودې تر بشپړېدو او د راتلونکو قانوني اجراآتو تر بشپړېدو پورې به قرارداد نه لاسلیک کېږي.