داوطلبۍ ته د بلنې خبرتیا - د پلخمري - کندز لویې لارې پر مسیر د تخریب شویو ساحو د داغګیرۍ او ترمیم پروژه

 د ټولګټو وزارت ټولو په شرایطو برابرو داوطلبانو ته بلنه ورکوي؛ ترڅو د پلخمري - کندز لویې لارې پر مسیر د تخریب شویو ساحو د داغګیرۍ او ترمیم پروژې د داوطلبۍ په پروسه کې ګډون وکړي او د یادې پروژې د شرطپاڼې او تخنیکي اسنادو سافټ کاپي د افغانستان د ملي تدارکاتو محترم ریاست (https://tenders.ageops.af )  د الکترونیکي ویبپاڼې له سیسټم څخه ترلاسه کړي.

داوطلبان دې خپل آفرونه د شرطپاڼې له شرایطو او د تدارکاتو له اصولو سره سم په مهر او تړل شوې بڼه د اعلان د خپرېدو له نېټې څخه د ۱۴۰۵/۶/۱۲ هـ.ش نېټې د سهار تر ۱۰:۰۰ بجو پورې د ټولګټو وزارت د تدارکاتو ریاست ته، چې ملالۍ واټ، د پخواني کورنیو چارو وزارت پر سړک، د احصایې او معلوماتو ملي ادارې ترڅنګ موقعیت لري وسپاري.

ناوخته رسېدلي او د انټرنېټ له لارې استول شوي آفرونه د منلو وړ نه دي.

د آفرونو د پرانیستې غونډه به د ۱۴۰۵/۶/۱۲  هـ.ش نېټې د سهار په ۱۰:۰۰ بجو د ټولګټو وزارت مقر په جومات کې ترسره شي.