داوطلبۍ ته د بیاځلې بلنې خبرتیا- د دایکنډي ولایت د اشترلي ولسوالۍ د سړک پر مسیر د دهن بي سرک په سیمه کې د لذیر سیند پر سر د نوي پل د جوړولو پروژه
Publish Date
Closing Date
ټولګټو وزارت ټولو په شرایطو برابرو داوطلبانو ته بلنه ورکوي؛ ترڅو د دایکنډي ولایت د اشترلي ولسوالۍ د سړک پر مسیر د دهن بي سرک په سیمه کې د لذیر سیند پر سر د نوي پل د جوړولو پروژې د داوطلبۍ په پروسه کې ګډون وکړي.
داوطلبان کولای شي د شرطپاڼې سافټ کاپي او تخنیکي اسناد د ملي تدارکاتو محترم ریاست د افغانستان د برېښنايي او پرانیستو تدارکاتو(https://tenders.ageops.af) له وېبپاڼې څخه ترلاسه کړي.
داوطلبان دې خپل آفرونه د شرطپاڼې له درج شوو شرایطو او د تدارکاتو د اصولو له مخې، په تړلي او مهر شوي ډول، د اعلان د خپرېدو له نېټې څخه د ۱۴۰۵ هـ.ش کال د تلې تر ۱۳مې نېټې، د سهار تر ۱۰:۰۰ بجو پورې د ټولګټو وزارت د تدارکاتو ریاست ته، چې په ملالۍ واټ، د پخواني کورنیو چارو وزارت پر سړک، د احصایې او معلوماتو ملي ادارې ترڅنګ موقعیت لري، وسپاري.
ناوخته رسېدلي او د انټرنېټ له لارې لېږل شوي آفرونه د منلو وړ نه دي.
د آفرونو د پرانیستلو غونډه به د ۱۴۰۵ هـ.ش کال د تلې په ۱۳مه نېټه، د سهار په ۱۰:۰۰ بجو د ټولګټو وزارت په مقر جومات کې ترسره شي.
