د بلخ – شبرغان عمومي مسیر د ۲۵ کیلومتره سړک د دیزاین بلټ چارې په تخمیني ډول د څه باندی ۴۵۰ میلیونه افغانیو په ارزښت پیل شوې
د ا.ا.ا د ټولګټو وزارت لخوا د بلخ – شبرغان عمومي مسیر ۲۵ کیلومتره سړک، چې د یاد ولایت له بلخ ولسوالۍ څخه پیل او د چاهي ولسوالۍ تر حدودو پورې رسیږي دا مهال یې د ډیزاین بلټ چارې د ټولګټو وزارت د تخنیکي مرستیال محترم الحاج مولوي عبد الکریم فاتح، د دغه ولایت د والي مرستیال محترم مولوي نورالهادي ابو ادریس، د یاد ولایت د ټولګټو رئیس الحاج مولوي عبدالصبور صابر، دبلخ ولایت د علماو شورا ریس شیخ مولوي محمد حلیم حیات، دبلخ پوهنتون ریس شیخ محمدسعید هاشمی اویو شمېر سیمه ییزو مسؤلانو او قومې مخورو په شتون کې پیل شوې.
دغه سړک ټولټال ۹۰ کیلومتره اوږدوالی لري او دامهال یې د لومړي لاټ ۲۵ کیلومتره سړک د ډیزاین بلټ چارې، چې د ۲۲ پایې پلګوټو د رغونې کارهم پکې شامل دی په تخمیني ډول د ۴۵۰ میلیون افغانیو په ارزښت له خصوصي سکتور سره قرارداد شوې دي، چې د دوو کلونو په موده کې به یې کار بشپړ او ګټې اخیستنې ته وسپارل شي.
د یادې پروژې پرتطبیق د سیمې خلک خوښ دي او وایي چې د دا ډول پروژو د کارپه جریان کې به د سیمې ګڼ شمېر او سیدونکو ته په مستقیم او غیر مستقیم ډول د کار زمینه برابره شي.
د یادونې وړ ده چې د دغې پروژې د کار په بشپړېدو سره پر یاده لویه لار د تلونکو هېوادوالو د تګ راتګ او سواداګریزو توکو او کرنیزو محصولاتو د انتقال ستونزې د پخوا په پرتله هوارې شي.
دا په داسې حال کې ده چې د ا.ا.ا د ټولګټو وزارت په دې وروستیو کې د هېواد په بېلابېلو سیمو او ولایتونو کې د ګڼ شمېر لویو او کوچنیو پروژو چارې پیل کړې دي او دا مهال عملاً جریان لري.
