د دوشي – بامیان ۱۷۰ کیلومتره سړک د ترمیم او پراخولو کار جریان لري
د ا.ا.ا د ټولګټو وزارت له لوري د دوشي – بامیان ۱۷۰ کیلومتره سړک د ترمیم او پراخولو کار په بېلابېلو برخو کې له مختلفو پرمختګونو سره جریان لري.
د یادې پروژې له پیل نقطې څخه تر ۲۲ کیلومترۍ پورې د سختې کندن کارۍ، د ۱۸ کیلومتره سړک د نرمې کندن کارۍ او د ۲۲ کیلومتره برخې د پر کارۍ او هموار کارۍ چارې د بشپړېدو په حال کې دي.
د دوشي – بامیان سړک د سالنګونو لویې لارې مناسب بدیل ګڼل کیږي، چې د سالنګونو لویې لارې د رغولو او د طبعې پیښو له کبله د بندیدو په صورت کې به له دغه مسیر څخه د تګ - راتګ په موخه ګټه واخیستل شي.
