د سړکونو د ساتنې او څارنې معین د میدان وردګو ولایت له یو شمیر قومي مشرانو سره ولیدل
د ټولګټو وزارت د سړکونو د ساتنې او څارنې معین محترم الحاج ملا عبدالجبار معاون د میدان وردګو ولایت له یو شمیر قومي مشرانو په خپل کاري دفتر کې ولیدل.
په دې لیدنه کې د میدان وردګو ولایت قومي مشرانو د ا.ا.ا، د بریا مبارکي وویله او د دې ولایت د اوسیدونکو ترانسپورتي ستونزې یې شریکي کړې، د ټولګټو وزارت له معین څخه یې د نیمګړو پروژو د کار د بشپړلو او د نورو پراختیایي پروژو د تطبیق غوښته وکړه.
ورسته د ټولګټو وزارت د سړکونو د ساتنې او څارنې معین، یادو قومي مشرانو ته ښه راغلاست وویل، میدان وردګ ولایت یې د ټولو قومونو ګډ کور یاد کړ او د يادو ستونزو د حل ژمنه يې وکړه.
