د طالبانو له خوا وران شوی پلګوټی بيا ورغول شو
نن سهار د ننګرهار ولایت د سره رود ولسوالۍ پر غځیدلي سړک فتح آباد سیمه کې یوه پایه پُلګوټی د طالبانو له خوا د سړک غاړې ماین چاودنې له کبله ویجاړ شو.
د ياد پولګوټي له ويجاړيدو سره سم عام ولس د تګ را تګ پر مهال له سختو ستونزې مخ شو.
د همدې ستونزې د هوارۍ په موخه د ټولګټو وزارت د رهبرۍ په لارښوونه د ننګرهار ولایت د ټولګټو ریاست لخوا د شته ماشینرۍ په واسطه د څو ساعتونو په ترڅ کې ډير ژر ویجاړ شوی پُلګوټی بیاورغول شو، چې اوس مهال هېواد وال کولای شې پرې تګ را تګ وکړې.
د ټولګټو وزارت ژمن دی چې د هیواد په هره برخه کې ټولې ویجاړې شوې لارې، پلونه او پُلګوټو د رغولو ترڅنګ له دې ټولو ساتنه او څارنه هم وکړي.
ټولګټو وزارت ـ کابل
Your Post Wasn't Boos
