د هیواد د سړکونو او لویو لارو د عمومي وضعیت څرنګوالی
د ټولګټو وزارت د ولایتي ریاستونو د راپورونو په اساس، د هیواد د سړکونو او لویو لارو عمومي وضعیت په لاندې ډول دی:
کابل ـ کندهار لویه لار: د کابل ـ کندهار لویه لار تېره شپه د قرباغ ولسوالۍ په مشکي، صاحب زاده، کرو سای، لونو پمپ او سرکي مانده، کلیو کې د تېزو بارانونو او سیلاب را وتلو له امله د تګ راتګ پرمخ بنده شوې وه، چې اوس مهال د یاد ولایت د ټولګټو ریاست د ماشینري او د تخنیکي پرسونل په هڅو د ترافیکو د تګ راتګ پرمخ پرانیستل شوې ده.
همدارنګه په زابل ولایت کې د شینکۍ ولسوالۍ سړک او په نورستان ولایت کې د شرقي نورستان سړک د تګ راتګ پرمخ بند دي، چې دا مهال د دواړو سړکونو د خلاصولو کار جریان لري.
بل لوري ته، په میدان وردګو، غزني، لغمان او ننګرهار ولایتونو کې او په سالنګ کې د بارانونو اورښتو دوام لري، چې د سیلابونه له امله د یادو ولایتونو بندې لارې د ټولګټو ریاستونو په ماشینري او د تخنیکي پرسونل لخوا پاک کاري او د تګ راتګ پرمخ پرانیستل شوې دي.
په ورته وخت کې د هیواد په یو شمیر نورو ولایتونو کې د سیلابونو له امله دلارو د بندښت احتمالي خطر شتون لري خو تر دا مهاله د تګ راتګ پر وړاندې کوم ترافیکي خنډ شتون نه لري.
د ټولګټو وزارت اړوند د ولایتي ریاستونو ټوله ماشینري او تخنیکي پرسونل فعاله دي او هڅه کوي، چې د هیواد ټولي لویې لارې او سړکونه د ترافیکو د تګ راتګ پرمخ پرانیستي وساتي.
د ټولګټو وزارت رسنیز دفتر
