د هیواد د سړکونو او لویو لارو د نن ورځې وضعیت:
کابل – جلال آباد: د کابل – جلال آباد لویه لار، په ماهیپر سیمه کې د ګازو د یوه عراده ټانکر د چپه کېدو له امله د ترافیکو پرمخ بنده ده چې دا مهال یې پرانیستلو چارې روانې دي.
د سالنګ لویه لار: نن ورځ په سالنګونو کې هوا لمر ده او یاده لار د ترافیکو پرمخ خلاصه ده، دا مهال مسافر وړونکي موټر له دواړو لورو او بار وړونکي موټر له جنوب څخه شمال لورې ته تګ کولی شي.
بدخشان: د دغه ولایت د ارغنچخوا، ارګو، درایم، خاش، شهر بزرګ، یفتل، یاوان، کوهستان او راغستان ولسوالیو مسیرونه، چې د ورستیو واورو له امله د ترافیکو پر مخ بند د یاد ولایت د ټولګټو ریاست د پرسونل په هڅو د ترافیکو پر مخ پرانیستل شوي دي او کوم ترانسپو رتي خنډ نشته.
همدارنګه، د فرا ولایت د پرچمن ولسوالۍ مسیر او د سرپل قم کوتل مسیرونه د ورستیو واورو له امله د تګ را تګ پرمخ بند دي خو د قم کوتل بدیله لار د ترافیکو پرمخ خلاصه ده.
د یادونې وړ ده، چې د هیواد نور ټول نښلونکي سړکونه او لویې لارې د تګ راتګ پرمخ خلاصې دي او کوم ترانسپورتي خنډ شتون نه لري.
