د هیواد د لویو لارو او سړکونو د وضعیت څرنګوالی
د ټولګټو وزارت د ولایتي ریاستونو د راپورونو په اساس د هیواد د لویو لارو او سړکونو وضعیت په لاندې ډول دی:
بدخشان: په دې ولایت کې هوا وریېځ ده، د کوهستان، یاوان او راغستان ولسوالیو غځېدلي لارې چې د ترافیکو پرمخ بندې وې اوس مهال یې د پرانیستلو کار دوام لري.
سرپل: هوا لمر ده، د بلخاب ولسوالۍ له غځېدلي لارې پرته د دې ولایت نورې ټولې لارې د ترافیکو پرمخ پرانیستې دي.
دایکنډي: هوا وریېځ ده، د میرامور – اشترلي غځېدلي لار چې د واورې د ډیر اورښت له کبله بنده وه دا مهال یې د پاکولو کار دوام لري.
غور: هوا وریېځ ده، د بند بایان له غځېدلي مسیر پرته د دې ولایت نورې ټولي لارې تر دې مهاله د ترافیکو پرمخ پرانیستې دي.
د سالنګ لویه لار: په سالنګ کې هوا وریېځ ده او له ټيلري یا باروړنکو موټرو پرته واړه موټر د ځنځیر (چاین) په تړلو سره په دې لویه لار تګ راتګ کولی شي.
همدارنګه د هیواد په ځینو نورو ولایتونو کې هوا وریېځ ده، خو ټولي غځېدلي لارې یې د ترافیکو د تګ راتګ پرمخ پرانیستې دي.
