د ټولګټو وزارت د ارشاد او دعوت او ترانسپورت ریاستونو نوي سرپرست رئیسان معرفي شول
د ټولګټووزارت د سرپرست محترم الحاج ملا عبدالمنان عمري، د هدایت پر بنسټ، محترم شيخ صاحب مولوي ميراجان قريشي د ټولګټو وزارت د ارشاد او دعوت د سرپرست رﺉیس په توګه او محترم مفتي عبدالولي محمد، د دغه وزارت د ترانسپورت ریاست د سرپرست په توګه وټاکل شول.
نوي ټاکل شوي رﺉیسان د یو لړ مراسمو په ترڅ کې د ټولګټو وزارت د تخنيکي معين محترم مولوي عبدالکريم فاتح لخوا لوري د یاد وزارت کارکوونکو ته ور وپېژندل شول.
په جوړو شویو مراسمو کې د ټولګټو وزارت تخنيکي معين مولوي عبدالکریم وویل: په نظام کې تغیر او تبدیل اصل دی او تغیرات د ادارې د قوت او پرمختګ لامل ګرځي.
ورپسې، محترم شيخ صاحب مولوي ميراجان قريشي د ارشاد او دعوت نوي رئيس خبري وکړې څرګنده یې کړه: د یوه شرعي او ولسي نظام ستنې په رښتنولۍ، عدالت، ایمانداري او خلق الله ته په خدمت ولاړې او ټینګي وي، هغه مسئولیت یو الهي امانت وباله او زیاته یې کړه چې په امانت کې اخلاص د کامیابۍ راز او د جنت کلي ده.
ورسته د ترانسپورت نوي رئیس مولوي عبدالولي فاتح د خبرو پرمهال وویل: دنده یومسئولیت دی؛ نه امتیاز، او یوه ورځ به هرومرو د دې امانت او مسئولیت حساب ورکوو.
