د ټولګټو وزارت د ترانسپورتي زیربناوو انسټټیوټ او بهره بردارۍ رئیسان معرفي شول
د ټولګټو وزارت د وړانديز او د ریاست الوزرا عالي مقام د (۱۴۴۶/۱۱/۲۱) نیټې د (۶۵۲۹) او (۶۵۳۲) ګڼو حکمونو پر بنسټ، محترم مولوي شفیع الله "احمد" د یاد وزارت د ترانسپورتي زیربناوو انسټټیوټ د رئیس په توګه او محترم انجنیرمحمد وکیل "شهراني" د یاد وزارت د بهره بردارۍ د رئیس په توګه وټاکل شول، چې د وزارت د یو شمېر مرکزي رئیسانو په شتون کې د اړوند ریاستونو کارکوونکو ته ور وپیژندل شول.
د یادو رئیسانو د معرفي غونډې پرمهال لومړی د ټولګټو وزارت د کارکوونکو چارو رئیس محترم انجنیر فضل الباري بلوڅ د نویو ټاکل شویو رئیسانو د مقررۍ په هکله د ریاست الوزرا عالي مقام حکمونه ولوستل.
وروسته د وزارت یوشمېر منسوبينو؛ نويو ټاکل شويو رئيسانو ته په چارو کې د لوی څښتن تعالی له دربار څخه د لا بریاوو غوښتنه وکړه.
دیادونې وړده چې له دې وړاندې محترم مولوي شفیع الله "احمد" د میدان وردګو ولایت د ټولګټو ریاست د رئیس په توګه او محترم انجنیرمحمد وکیل "شهراني" دیاد وزارت په بیلا بیلو تخنیکي او مسلکي بستونو کې دنده ترسره کړې ده .
