د ټولګټو وزارت د عوایدو او قوای کار رئیسان معرفي شول
د ټولګټو وزارت د وړانديز او د ریاست الوزرا عالي مقام د (۱۴۴۶/۱۰/۲۲) نیټې د (۵۸۱۸) او (۵۸۲۰) ګڼو حکمونو پر بنسټ، محترم نظرمحمد "نظري" د یاد وزارت د عوایدو د رئیس په توګه او محترم مولوي کفایت اللّٰه "حق شناس" د یاد وزارت د قوای کار د رئیس په توګه وټاکل شول، چې د وزارت د یو شمیر مرکزي رئیسانو په شتون کې د اړوند ریاستونو کارکوونکو ته ور وپیژندل شول.
د یادو رئیسانو د معرفي غونډې پرمهال لومړی د ټولګټو وزارت د کارکوونکو چارو رئیس محترم انجنیر فضل الباري بلوڅ د نویو ټاکل شویو رئیسانو د مقررۍ په هکله د ریاست الوزرا عالي مقام حکمونه ولوستل.
وروسته د وزارت یوشمېر منسوبينو؛ نويو ټاکل شويو رئيسانو ته په چارو کې د لوی څښتن تعالی له دربار څخه د لا بریاوو غوښتنه وکړه.
دیادونې وړده چې د ټولګټو وزارت په تشکیل کې د قوای کار او عوایدو ریاستونه سږ کال نوي رامنځ ته شوي دي.
